بالصور فحص سرطان الثدي قبل حدوثه

بالصور فحص سرطان الثدي خيارات

يمكن تستغربون لـيش اخترت هالموضوع .. أو لـيش اهتمـيت فيـه

أنـا اقولكم

كنت قبل فترهـ اطـبق في مستشفى الملك فيصل التخصصي .. وتحديدا في قسم الأورام

كانت توصلنا ملفات المرضى

كنت عادة أقرأ تشخيص المرض .. وأشوف طريقة العلاج

لفت نظري كثرة الحالات المصابـه بسرطاان الثدي

صرت كل ما تمر علي حالة أروووح أشووف عمر المريض

وهذا اللي صدمنـي اكـثر

أغلب الحالات اللي تمر علي أعمارهن من 25 الى 40

بيقول احدكم ... انـه قضاء وقدر

صح .. واللـه ابتلاهم بمثل هالأمراض .. ولا اعتراض على قضاء اللـه وقدرهـ

بس تعال اقولك شيء

بعد ما اشوف العمر .. أرووح اشوف البروتوكول المستخدم في العلاج

وهنا المصيبه

اغلـب الحالات .. تكون في مراحلها الأخيرهـ

تدري وش معنى هالكلام

يعني ان السرطان تفشى في الثدي وبدأ ينتشر في اجزاء ثانيـه من الجسم

طيب..تدري كم وقت يحتاج السرطان علشان ينتشر في عضو كامل ..وبعدين ينتشر في انحاء الجسم

يحتااج مدهـ طوويلـه

طيب ... لـيش أغلب الحااالات ما يتم اكتشافها الا متأخر

لـيش نسبة سرطان الثدي عندنا بالسعوديـة تعتبر اكبر نسبـه بين السرطانات الثانيـه

لـيش في أغلب الحالات يلجؤون لاستئصال الثدي

اكيـد فيـه مشكلـه

تدرون وش هي

ما عندنا وعي .. اي نعم ماعندنا وعي ولا تثقيف

رح أسأل أهلك .. وش يعرفون عن الفحص الذاتي لسرطان الثدي .. وش أسباب هالمرض

ما في أحد يعرف الا قلييييييييل جدا

طـيب ... خلني أقولك شي

تدري ان نسبة الشفاء منـه توصل لحد 96% لو تم اكتشافه في مراحله الأولى بإذن اللـه

وهذا يتم بالفحص الذاتي .. وكذلك الفحص في المستشفى

أنـا هنا .. حاولت اني أبدأ بالخـطوه الأهم ... وهي كيف نوعي المجتمع بكيفيـة الفحص الذاتي

قلت نبدأ بالكونتاكت اللي عندي .. وكم قرووب

ومنها ان شااء اللـه تووصل لمجموعة كبيرهـ من النااس

بس تظل المشكلـه في ان مجموعة أكبر من الناس .. مايعرفون عن الفحص شيء

هنا يجي دور الإعلام .. وزارة التربيـه في المدارس .. المستشفيات للزوار

وخطوهـ خطـوهـ راح نوصل ان شااء اللـه

خلونا نبدأ

أول شيء .. الأسبـاب المـؤديـه للاصابـه بسرطان الثدي

االسن : تزيد احتمال الإصابة كلما زاد سن المرأة

التاريخ المرضي للعائلة: يزيد احتمال حدوث سرطان الثدي إذا أصيب أحد أقارب المرأة ( أم، أخت، أو بنت) به خاصة قبل انقطاع الطمث.

علاقة سرطان الثدي بالحمل: يكثر احتمال الإصابة عند المرأة التى تحمل بالطفل الأول لها بعد سن الثلاثين أو التي لم تحمل أبدا.

عوامل أخرى: السمنة : يمكن أن يزيد احتمال حدوثه اذا زاد وزن المرأة 40% عن الوزن المثالي.

ثانيا ...أعــراضـه

وجود ورم أو كتلـه في الثدي أو تحـت الإبـط

تغير في شكـل أو حجم الثـدي

(وجـود افرازات من الحلمـه (غير الحليب

تغير في اللون أو ملمس الثدي

تـغير في لون الحلمـة أو بروزها

ثالثا .. الفحص الذاتي للثدي

على جمـيع النسـاء الـقـيام بالفحـص الذاتي للثدي مرة كل شهر بعد سن العـشرين وذلك في الأسبوع من انتهاء الدورهـ الشهريـه

طـريـقـتـه

قفي أمام المرآة وافحصي ثدييك إذا كان هناك أي شيء غير عادي

ضعي يديك خلف رأسك واضغطي بهما الى الأمام دون تحريك رأسك وأنت تراقبين نفسك أمام المرآة

ضعي يديك على الوسط وانحني قليلاً مع ضغط الكتفين والمرفقين الى الأمام

ارفعي يدك اليسرى وابدئي باستخدام يدك اليمنى في فحص الثدي الأيسر من القسم الخارجي وبشكل دائري

حتى الحلمة مع التركيز على المنطقة بين الثدي والإبط ومنطقة تحت الإبط

اضغطى بلطف على الحلمة للتأكد اذا كان هناك أي إفرازات

أعيدي الخطوتين السابقتين على الثدي الأيمن

تعاد الخطوتان السابقتان عند الاستلقاء على الظهر.

اذا وجدت علامات غير طبيعية مثل ورم موضعي، تغير في شكل أو حجم الثدي، انخفاض أو نتوآت على الجلد، تغير في لون الجلد أو خروج إفرازات خاصة

الدموية منها من الحلمة، خلال الفحص الذاتي عليك بمراجعة الطبيب في أقرب وقت ممكن.

موقع جمعية زهره لسرطان الثدي .. موقع رائع ممكن تستفيدوا منه كثير

كلك هنااا

الحـين الدور عليـك .. تنصح اهلك .. وتحاول توعي الناس اللي حواليكـ

تقدر ترسلها ايميـل .. وتقدر ترسلها ملتيميديا بالجوال

المهم ... لا توقف عندك

ومثل ما قلت في البدايـه .. هذي ماراح تكون رساله وبس .. راح تكون بدايـة ... وراح يجي بعدها خطوااات ان شااء اللـه

راح نحاول نصعد الموضوووع هذا للإعلام .. وراح ننشر بروشوراات ان شااء اللـه

نبغى بناتنا في المدارس والكليات يعرفون ويتثقفون

نبغى الناس اللي في المحافظات والقرى يتوعون ويتثقفوون

ويد وحدهـ ما تصفق .. أبغى مساعدتكم ...

أي شخص يحب يشارك معي في الخطوات الجايـه ... يرسل لي ايميل .. ويقوول اني ابغى اشارك

أي واحد عنده اقتراح ولا فكرهـ ... لا يبخل علينا فيها

وربـي يجعل هالاعمـاال في موازين حسنـاتكـم

منقول