اصبغي شعرك في البيت

موضوع: اصبغي شعرك في البيت 3/4/2008, 2:40 pm

صباحكم/مساكم سكر زيادة كيفكم يا عرايس
جهزتلكم موضوع كيف تصبغي شعرك بنفسك لان كلنا بنكون عاوزين نعمل نيو لوك ومش عارفين اية الخطوات اتفضلى الطريقة واحدة واحدة
شوفي يا قمر بما إنك قررتي القرار الخطير ده اللي هو إنك تصبغي شعرك بنفسك يبقى أكيد محتاجة تعرفي ازاي ممكن تعملي كده بنفسك في البيت من غير ما يحصل أي أضرار لأن العملية دي مش سهلة دي محتاجة يكون عندك صبر شديد جدا وإنك تهتمي بشعرك كويس جدا قبل ما تصبغيه وبعد ما تصبغيه..
علشان كده تعالي نمشي مع بعض واحدة واحدة ونشوف ازاي ممكن نصبغ شعرنا بنفسنا
المرحلة الأولى
مرحلة ما قبل الصبغة
[ندعوك للتسجيل في المنتدى أو التعريف بنفسك لمعاينة هذه الصورة]
وفي المرحلة دي لازم تهتمي بشعرك جدا لمدة شهر على الأقل قبل ما تصبغيه خاصة لو كان شعرك من النوع الضعيف أو اللي أطرافه مقصفة لأن في الحالة دي هتبقي محتاجة تعملي حمامات زيت أو كريم لشعرك مرة كل أسبوع قبل ما تفكري في صبغ شعرك...
ولازم تستخدمي الشامبو والبلسم المناسبين لنوع شعرك وياريت تكثري من استخدام البلسم على أطراف شعرك خاصة لو كانت الأطراف دي مقصفة.
وخدي بالك إنك تسيبي شعرك بدون غسيل أو استخدام أي نوع من أنواع الكريمات أو الزيوت لمدة يوم قبل الصبغ.
المرحلة التانية
اختيار اللون المناسب
[ندعوك للتسجيل في المنتدى أو التعريف بنفسك لمعاينة هذه الصورة]
حابب أقول لك خدي بالك إنك مش لازم تعتمدي على الألوان الموضة في اختيار لون شعرك لأنها ممكن تكون مش مناسبة لكِ واعتمدي في اختيارك على الألوان المناسبة للون بشرتك ولون عينيك..

• لو كانت بشرتك بيضاء ولون عينيك أخضر أو أزرق
يبقى هتلاقي إن اللون الأشقر الرمادي والأشقر البني هما المناسبين لكِ وابعدي نهائيا عن الأشقر الذهبي المائل للاصفر.
• أما إذا كان لون بشرتك أبيض ولون عينيك عسليا
يبقى هتلاقي إن اللون المناسب لك هو الكستنائي الفاتح أو البني المائل للأشقر أو النحاسي.
• أما إذا كان لون بشرتك خمريا ولون عينيك عسليا
يبقى اللون المناسب هو درجة فاتحة من درجات النحاسي وكمان الأسود مناسب لك جدا.
• وإذا كانت بشرتك بيضاء ولون عينيك أسود
يبقى اللون المناسب هو البني بدرجاته.
• وإذا كانت بشرتك سمراء أو خمرية ولون عينيك بني غامق
يبقى اللون المناسب لك هو الأحمر الداكن أو الخوخي.
كمان خدي بالك
إن لو شعرك قصير يبقى لونيه كله بلون واحد أما إذا كان شعرك طويلا يبقى بلاش تلونيه كله بلون واحد وكفاية قوي تفتحي بعض الخصلات المحيطة بالوجه لأن دي هتنور وشك وهتزيد جماله.
المرحلة الثالثة
اختبار الصبغة
[ندعوك للتسجيل في المنتدى أو التعريف بنفسك لمعاينة هذه الصورة]
ساعات بتختاري لون معين من الكتالوج بتاع الصبغة ولما تيجي تعملي اللون ده تلاقيه مش مناسب أو تلاقي إن الدرجة دي مش هي نفس الدرجة اللي أنت عايزها...
وعلشان تتفادي المشكلة دي ياريت تجربي تصبغي خصلة واحدة من شعرك وبعد كده شوفي إذا كان اللون ده هو اللون المطلوب ولا لأ.
المرحلة الرابعة
تجهيز أدوات الصبغة
[ندعوك للتسجيل في المنتدى أو التعريف بنفسك لمعاينة هذه الصورة]
بعد ما اخترتِ اللون المناسب هتبدئي تجهزي أدوات الصبغة وكل اللي هتحتاجيه:
1- علبة الصبغة باللون المناسب.
2- جوانتي بلاستيك علشان تحمي إيدك وأظافرك من التلون بلون الصبغة.
3-علبة فازلين ودي علشان تدهني بها حدود وشك وتدهني رقبتك كمان وده لحمايتهما من لون الصبغة.
4-ملابس قديمة علشان تلبسيها وأنت بتصبغي شعرك واوعي تنسي الفوطة الكبيرة علشان تحطيها على كتفك.
5-مشط بأسنان رفيعة.
6- مساكات للشعر.
7-فرشاة الصبغ.
المرحلة الخامسة
كيف تستخدمي الصبغة على شعرك
[ندعوك للتسجيل في المنتدى أو التعريف بنفسك لمعاينة هذه الصورة]
دلوقت بقى يا قمر أهم مرحلة وهي إنك تبتدي تصبغي شعرك ..
تعالي نشوف كيف...
1- حضري الصبغة زي ما بيكون مكتوب على العلبة بتاعتها من بره أو في النشرة الداخلية ليها.
2- قسمي شعرك إلى أربع مناطق من الأسفل إلى الأعلى وامسكي كل جزء بمساكات الشعر.
3- هات فرشاة الصبغة وحطيها في الصبغة وبعد كده ابدئي في توزيع الصبغة على شعرك من بداية نمو الشعر وياريت تبدئي بخصلات شعرك الخلفية.
4- بعد ما تدهني خصلة شعرك كويس بالصبغة هات المشط ومشطي الخصلة دي وبعد كده لميها بمساكات الشعر وكملي باقي شعرك بعد الانتهاء من الخلف اتجهي إلى المناطق اللي على جنب وبعد كده اتجهي إلى الأمام.
5- لو كان شعرك أبيض وعايزة تصبغيه باللون الأسود يبقى ابدئي من مكان وجود اللون الأبيض وعادة ما يكون من الأمام إلى الخلف.
6- خدي بالك وأنت بتوزعي الصبغة على شعرك إنك تحطي كمية كافية لكل شعرة وتصبغيه جزء بعد جزء ويكون التوزيع مساوي جدا وإلا شعرك هيطلع فيه أكثر من درجة من نفس اللون ومش هيكون كله لونه واحد.
7- بعد انتهاء الوقت المطلوب اللي بيكون مكتوب على العلبة بتاعة الصبغة اغسلي شعرك بمياه فاترة كويس أكثر من مرة لغاية ما تزول الصبغة من على شعرك وبعد كده اغسلي شعرك بالبلسم المخصوص للعناية بالشعر المصبوغ اللي عادة بيكون موجود في علبة الصبغة نفسها سيبي البلسم على شعرك لمدة خمس دقائق وبعد كده اشطفي شعرك بالمياه الفاترة وبعد كده الباردة.
8- خدي بالك إنك مش هتقدري تحكمي على لون الصبغة إلا بعد ما شعرك ينشف.

موضوع: رد: اصبغي شعرك في البيت 1/5/2008, 8:18 pm

مشكورة اختي علموضوع